Ata o vindeiro 22 de xaneiro, porderase visitar a exposición dos traballos realizados no marco dos obradoiros que integraron o programa Identidades, as artes para a inclusión social, un proxecto de inclusión promovido pola Asociación de Amigos do Museo e co patrocinio da Deputación Provincial da Coruña e o Concello da Coruña.

Rematados os talleres, as obras realizadas expoñeranse ao público nas instalacións do museo, desde o 20 decembro de 2022 a finais de xaneiro de 2023. A mostra reúne un centenar de traballos realizados por outros tantos participantes que traballaron cos seguintes artistas, temas e técnicas:

Identidade en pictogramas

Cruz Vermella. Programa Empezar de 0

Héctor Francesch. Colaxe en cartolina de cores

 

A paisaxe próxima

Hogar de Sor Eusebia

Óscar Cabana. Pastel e rotulador sobre papel

 

Fragmentos emocionais

Centro Ocupacional Pascual Veiga

Luisa Valdés. Monotipo

 

O espazo privado

Amigonianos

Lara Pintos. Acrílico sobre táboa entelada

 

Historias do cotián

Cruz Vermella. Programa Muller en risco

Bea Lema. Arpilleras

 

O autorretrato

Ecodesarrollo Gaia

Faura Balsa. Escultura en barro

 

Relatos visuais

Fundación Juan Soñador

Jano Ilustra. Estampa e mixtas sobre papel

 

O obxecto identitario

Hogar de Santa Lucía

Iria do Castelo. Técnicas mixtas, xeso.

 

A miña historia en imaxes

Cruz Vermella. Programa Migrantes

Manel Cráneo. Tinta chinesa e gouache sobre papel

 

Paisaxe e abstracción

ACCEM

Isabel Pintado. Pintura sobre seda