EXPOSICIÓN. IDENTIDADES, AS ARTES PARA A INCLUSIÓN SOCIAL

Xa se pode visitar a exposición IDENTIDADES, AS ARTES PARA A INCLUSIÓN SOCIAL, que permanecerá aberta ao público no Museo de Belas Artes da Coruña ata o 4 de febreiro de 2024

Na mostra recóllese unha selección dos traballos realizados ao logo dos sete obradorios que desenvolvéronse entre o 10 de novembro e o 14 de decembro, no marco deste proxecto de inclusión promovido pola Asociación de Amigos do Museo e o Museo de Belas Artes, e co patrocinio da Deputación Provincial da Coruña

Destinado a colectivos en situación de vulnerabilidade por atoparse desprazados dos seus lugares de orixe (xa sexa por razóns políticas ou económicas), por ser vítimas de malos tratos ou violencia de xénero, ou por verse en situación de dificultade ou illamento social, o proxecto pretende facer unha reflexión e tomar conciencia das raíces e da identidade propia en todas as súas variantes: cultural, xeográfica, emocional e persoal, tanto individual como colectiva.

 O programa consiste na realización dunha serie de obradoiros de artes plásticas impartidos por artistas da cidade, nos que traballan diferentes técnicas (debuxo, escultura, colaxe, gravado, pintura, etc) e xéneros artísticos para representar diversas formas de asumir a identidade persoal: xa sexa a través da súa imaxe e a do seu grupo (o autorretrato, tanto individual como colectivo), da súa contorna e do seu espazo (a paisaxe e os interiores) dos seu obxectos emotivos ou simbólicos (o bodegón), dos episodios do seu pasado e presente (o relato e a ilustración) e das emocións que todos estes elementos lles provocan (a abstracción e o uso expresivo dos trazos e as cores).